ప్రమోషన్స్ చేయకపోతే ఉరివేసుకుంటానని ఓ కల్ట్ ఫ్యాన్ బెదిరించడంతో టాలీవుడ్ ఒక్కసారిగా ఉలిక్కిపడింది. అభిమానుల ఆగ్రహానికి తలొగ్గిన 'పెద్ది' మేకర్స్.. పాన్ ఇండియా పవర్ప్లే టూర్ షెడ్యూల్ ప్రకటించారు.
టాలీవుడ్ మాస్ ఆడియన్స్ను ఉలిక్కిపడేలా చేసిన సంఘటన ఇది. గ్లోబల్ స్టార్ రామ్ చరణ్ నటిస్తున్న పాన్ ఇండియా మూవీ 'పెద్ది' జూన్ 4న రిలీజ్ కానున్నా.. ప్రమోషన్స్ ఊసే లేదు. మునుపటి సినిమాల లేజీనెస్తో విసిగిపోయిన ఓ కల్ట్ ఫ్యాన్, ఏకంగా "అప్డేట్ ఇవ్వకపోతే ఉరివేసుకుని చనిపోతా" అంటూ మేకర్స్కు లేఖ రాయడం ఇండస్ట్రీలో హాట్ టాపిక్గా మారింది. అభిమానుల ఎమోషన్స్ ఎంత పవర్ఫుల్గా ఉంటాయో ఈ ఇన్సిడెంట్ మరోసారి నిరూపించింది.
ఫ్యాన్ ఎమోషనల్ వార్నింగ్తో అలెర్ట్ అయిన 'పెద్ది' టీమ్ వెంటనే దిగొచ్చింది. పెద్ది పవర్ప్లే టూర్ పేరుతో నేషనల్ వైడ్ ప్రమోషన్స్ షెడ్యూల్ను అఫీషియల్గా రిలీజ్ చేసింది. ముంబై (మే 18), ఉప్పల్ స్టేడియం (మే 22), భోపాల్ (మే 23), బెంగళూరు, ఢిల్లీ, చెన్నై, విజయనగరం, హైదరాబాద్ మీదుగా ఈ టూర్ సాగనుంది. మే 18న ముంబైలో ట్రైలర్ లాంచ్, 23న భోపాల్లో ఏఆర్ రెహమాన్ లైవ్ కాన్సర్ట్తో పాటు ఐటమ్ సాంగ్ రిలీజ్ చేయనుండటంతో ఫ్యాన్స్ సంబరాలు చేసుకుంటున్నారు.
బుచ్చిబాబు సానా దర్శకత్వంలో జాన్వీ కపూర్ హీరోయిన్గా వస్తున్న ఈ సినిమాపై ట్రేడ్ వర్గాల్లో భారీ అంచనాలున్నాయి. సరైన ప్రమోషన్స్ పడితే బాక్సాఫీస్ వద్ద రికార్డులు బద్దలవ్వడం ఖాయం. మైత్రీ మూవీ మేకర్స్, సుకుమార్ రైటింగ్స్ సపోర్ట్తో వృద్ధి సినిమాస్ నిర్మిస్తున్న ఈ ప్రాజెక్ట్ టాలీవుడ్ స్టామినాను పాన్ ఇండియా లెవెల్లో చాటనుంది. జూన్ 3న ప్రీమియర్స్ పడనున్న నేపథ్యంలో, రాబోయే 20 రోజులు రామ్ చరణ్ ఫ్యాన్స్కు అక్షరాలా పండుగే అని చెప్పాలి. ముందుముందు మరిన్ని సర్ప్రైజ్లు ఉంటాయని మేకర్స్ కన్ఫర్మ్ చేశారు.
